من روائع الفنان مصطفي سيد احمد

{ياجرح}
ياجرح عزه هوانا
الساكنه في حرف الكتابه
اصلو في زمن الاسي المشدود علي وتر الكآبه
في زمان الحرقه والخوف والرتابه
إنكتم نبض الاغاني وانبهم حس المعاني وانجرح خاطر المهابه
جيتني في الزمن الاليم وقلبي مثخن بي جراحات الهوي
عمري ضايع في متاهات النعيم
في دروب الغربه لا تاب لاقوي
كان عيونك فيهن الوصف القديم
معني في الحب انطوي
وضاع معاك زمن الوسامه
واختفي الفرح العلامه
لسه ياحزن الملامه
من سنين دربك سلامه

{ياضلنا}
ياضلنا المرسوم علي رمل المسافه
وشاكي من طول الطريق
قول للبنيه الخايفه من نار الحروف
تحرق بويتات الفريق
قول ليها ماتتخوفي
دي النسمه بتجيب الامل
والامل يصبح رفيق
والاصلو في الجوف اندفن
لابتنسي .. لابنمحي
لابنتهي منو الحريق .. ياضلنا
والفينا من آهات اليمه
في حكاوينا القديمه
لابيرحل عن عيونا
لابتغشاهم الهزيمه
والقبيل راجنو نحنا
يوم تبشر بيهو غيمه
لما تمطر يوم علينا
والفرح يملا المدينه والبلودات الحزينه
ياضلنا

{حاجه فيك}
حاجه فيك
تقطع نفس خيل القصائد
تشده اجراس المعابد
توهتني..تعبتني..جننتني
جننت حرف الكلام
وبرضو ادتني السلام
حاجه في شرف المدائن
في غرف كل السفاين
جوه في عمق المناجم والعيون
حاجه زي ماتكون محلق في العواصف
فجاه تهبط في السكون
حاجه زي نقر الاصابع
لما ترتاح للموسيقي
حاجه زي اخبار تناغم من جريده
حاجه زي وتر الموانئ
لما يصدح لي سفينه
حاجه فيك لابتبتدي
لابتنتهي
خلتني ارجع للقلم
اتحدي بالحرف الالم
واضحك مع الزمن العريض
وانسف متاريس الطريق
واعرف متين ابقي المطر
وافهم متين اصبح حريق

{عجاج البحر}
يراقصني عجاج البحر
ترعد داخلي الامطار
يكلمني تراب الارض
يشدد قلبي الاوتار
اغنيكم...اغنيكم
اغني جذوه النار التي فيكم
والعن ذلك البرد المدثر
روحكم برماد موتاكم
اغنيكم
وابني في عيون الشمس
مملكتي تناديكم
نسورا تعشق الترحال
في الآفاق تبغي الكون حريه
فإن شئتم
تعالو الآن نرقص رقصه البدء
ونعلم ان نمد الكف
نحو الشمس للدفء
تعالوا ايها الجوعي
تعالوا ايها الفقراء

{يابكره}
مساماتك بتتشقق
عشان تشرق صباحاتك
صباحاتك بتتعانق مع الفكره
وتاخد من جراحاتك
نضيف احساسنا لي بكره
يابكره .. يابكره
يابكره الغصن ناشف
يابكره الفرح يوماتي
بيكاتل حزن اطفال
بتتشابا عشان تعرف
شنو الفي إيدنا لي بكره
شنو الداخرنو للسكه
عشان تشرق صباحاتك
عشان تقصر مسافاتك
عشان تبرق غماماتك
عشان تخضر مساحاتك
عشان بكره وبعد بكره

{نشوه ريد}
نشوه ريد
إحساس إكليل
ورده وصلك جنه اصلك
نجم الليل الوصل جميل
نحنا مشينا الخطوه الاولي
وإنت معاي مشوارنا بيقصر
بكره بنحكي الشوق للذكري
نار الريد الغابت تظهر
الاطفال يافاطمه بغنو
الافراح لابد من ترجع
الاطفال يابنيه بغنو
الافراح لابد من ترجع
الاحلام الدونك فاتت
لو واصلنا صباحا بيطلع
نشوه ريد إحساس اكليل
ورده وصلك جنه اصلك
نجم الليل الوصل جميل

@وضاحه@
الصباح الباهي لونك
وضاحه يافجر المشارق
غابه الابنوس عيونك
يابنيه من خبز الفنادك
شيدتي في جواي صوامع للفرح
وفتحت في دنياي مسارح للمرح
وبقيتي لي سكه وعيون
لاقدرت اطولك شان اجيك
لاقدرت من غيرك اكون
وانا بيك ماليني الكلام
حركته بيك عصب السكون
جلبت ليك الغيم رحط
طرزت ليك النيل زفاف
حرقت ليك الشوق بخور
وفرشت ليك الريد لحاف
لا السكه بيك بتنتهي
ولا معاك مليت طواف
ياريتني لو بقدر اكونك
وضاحه يافجر المشارق
الصباح الباهي لونك
يابنيه من خبز الفنادك
غابه الابنوس عيونك

أيوة دا الكلام
وزي ماقال روني بديت تجري عملية الإحماء استعدادا للإنطلاق
بوركت وجزيت أنا بقيت أستمتع بمنتدانا عشان كدا بشوفها خيانة يعاقب عليها القانون أدخل لي منتدي تاني لانو في منتدانا أي حاجة فيهو وزيادة كمان...

شكرا فطيم علي أغاني أبوالسيد
وعقبال أغاني حمد الريح وعقد الجلاد

تسلم الاخ حاتم انا حاواصل كتابه اغاني..
{وياخليفه اتفقنا}
حقيقه المنتدي اصبح حاجه تانيه.
وانا حاكمل اغاني ابو السيد وتاني نلبي طلبك ياكوتش.
تسلم خليفه

@غدار@
لاتبنش الماضي البعيد
الم تكن يوما لقلبي واقعا مجهولا
لاتنكا الجرح القديم
فإنني ودعت ليلا مظلما وثقيلا
وحملت روحي في فؤاد نازف
مازال يحمل نصفه مشلولا
وخلعت اثواب الحداد
اما كفي إذ صار قلبك في الهوي ضليلا
فالليل ينزل في الدروب مباطلا
حتي يجرجر ثوبه مخذولا
والبدر يبسم للغدير تالقا
ومداه يضمر حلكه وأفولا
وكذا الشباب وإن كساك جماله
يوما سيلبس صفره وذبولا
هفوات روحي فيك انت قتلتها
من ساذج بغروره مشغولا
وانا الذي مني ملكت حشاشتي
فغدوت ارغب بارقا مامولا
عذرا لشعري إن تفجر مره
قد كان قلبا بابه مقفولا
من كل قلبي ان اراك مسعدا
وجراح قلبك في الهوي مدموله
اما فؤادي قد اسوت جراحه
بالكبرياء وإن صبرت طويلا
الماء إن اخرجت منه شعيره
هل يستجيب بوجهه مصقولا
غدار دموعك مابتفيد
في زول حواسو اتحجرت
جرب معاك كل السبل
وايديهو ليك ماقصرت
حطمت في قلبو الامل
كل الاماني الخدرت
كلماتو ليك ضاعت عبس
لاقدمت لا أخرت
ماكنا ..
ماكنا وقت الليل يطول
تشرق نجوموا وتتكتم
ويطل شعاع يكشف قناع
والظلمه ترحل وتنهزم
وجفونا من طول السهر
تلبس وشاح حرقه والم
نستبشر اليوم الجديد
ونقول تعود إنت العشم
كيف العشم وكتين يموت
والغصه تطعن في الحلق
كيف الحنين وكتين يهز
لي زول بعيد مابتلحق
كيف الرجوع لي زول قنع
شايل رفات قلبو الحرق
سيب الندم وانسي الدموع
مافات زمان مابتلحق
غدار دموعك مابتفيد في
ظلمه مابتعرف شعاع
اشباحها ذي موج العدم
كسر المقاديف والقلاع
ونزلنا في طوف الفشل
وابحرنا في بحر الضياع
ونسينا ذكراك الزمان
عشناها في زيف الخداع
................................

روعة يامبدعين
نحن في إنتظاركم

الاخ خليفه كانت غيبتي لي خير وشكر لسؤالك عني ودمت سالما.
والشكر للاساتذه حاتم وصلاح

الاخ خليفه كانت غيبتي لي خير وشكر لسؤالك عني ودمت سالما.
والشكر للاساتذه حاتم وصلاح

لكم تحياتي الحارة ايتها الكواكب التي تدور في منتدانا و جزاكم الله خير
‎
tslmoo kteer

لكم تحياتي الحارة ايتها الكواكب التي تدور في منتدانا و جزاكم الله خير
‎
tslmoo kteer

طلباتك اتنفذت حاتم

عم عبد الرحيم
كلمات : محمد الحسن سالم حميد
------------------------
فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..

عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..

الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...

وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا 000..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..

أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..

عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..

والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..

وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..

حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر ...


........................................

سافر .. الشاعر قاسم أبو زيد



سافر000
مطارات الوداع ضجت قدامك ..
وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة ..
تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح .. ومتل السنبل الغناى
كتير بنعاتب الحاضر
ولا أسفاً على الماضى
صدق الرؤية من قلبك
.. بين الشوف وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
وهواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..
..............................

ومازلنا في إنتظار الوعد

اصبر بس الناجز ياحاتم حاليا شغالين إمتحانات بعد إنتى إن شاء الله اي حاجه تطلبوها تجيكم....
دعواتكم بس